КМҚК «Анашым» бөбекжай бақшасы — балаларды мейіріммен тәрбиелеп, олардың дене, ақыл-ой, әлеуметтік және эстетикалық дамуына жағдай жасайтын заманауи мекеме.
«Анашым» ясли бақшасы 2015 жылы ауданымыздың кәсіпкері Мерғалиев Мағауия Ақтөреұлы анасы Төлегенова Нағиманың құрметіне салып, Құлсары қаласы әкімі аппаратына тапсырды.
Біздің балабақша — білім беру мен тәрбиелеу үдерісін ұйымдастырып қана қоймай, өз құндылықтарын, тарихын және дәстүрлерін меңгерген ел азаматтарын тәрбиелейтін мекеме. Ішкі мәдениетке ие, кең ой-өрісі бар, шығармашылықпен әрі өздігінен ойлай алатын ұрпақ тәрбиелеуді мақсат тұтамыз.
Әр баланың жан-жақты әрі үйлесімді дамуы үшін жасалған орта мен білікті ұжым.
Өз жұмысын жақсы көретін, тәжірибелі педагогикалық команда балаларға деген сүйіспеншілікпен қызмет етеді.
Заманауи бағдарламалар мен әдістер баланың физикалық, интеллектуалдық және эстетикалық дамуын тиімді етеді.
Баланың психологиялық тұрақтылығы мен эмоционалдық дамуына ерекше мән береміз.
Ата-аналардың әрқайсысына құрметпен қарап, ашық әрі сенімді қарым-қатынас орнатамыз.
Кең ой-өрісі бар, өздігінен ойлай алатын шығармашыл тұлғаны қалыптастырамыз.
Өз тарихын, дәстүрін және құндылықтарын меңгерген нағыз ел азаматын тәрбиелейміз.
«Осы 10 жыл ішінде балабақшамыздың педагогтері мен тәрбиеленушілері аудандық, облыстық және республикалық сайыстардың жүлдегерлері атанды. Әр баланың жетістігі — біздің ортақ мақтанышымыз.»
Тәрбиеленушілеріміз бен педагогтеріміздің аудандық, облыстық және республикалық сайыстардан жеңіп алған дипломдары мен алғыс хаттары.
Атырау облысы білім беру басқармасы Жылыой ауданы білім бөлімі КМҚК «АНАШЫМ» бөбекжай бақшасы